ભજન - જ્ઞાન ગંગા મા નાહિ લે પ્રાણી

જ્ઞાન ગંગા મા નાહિ લે પ્રાણી.થઇને જાકમ જોળ.
વિવેક રૂપી વારી લઇને નાહિ લે માથા બોળ....ટેક

સમજણ સુ નીર લઇ ને કળશ  માથે ઢોળ.
તો  આનંદ  ની  લેરૂ  છુટે. એની  ઉડે  સોળ...જ્ઞાન

વૈરાગ  રૂપી માટી લઈ ને. મનને રગદોળ.
ધોતાધોતા ઉતરી જાસે. આ દિલડાની ખોળ....જ્ઞાન

જગત બધુ ચડી ગયું  છે. મોહ ને ચગડોળ.
બ્રહ્મ રસાયણ પીધાં વિના.કેમ ઉતરશે મોળ...જ્ઞાન

ચીત જેનુ  ચીદ્રુપ  બન્યુ. જાણે રંગ  સોળ.
શોભે  છે  ભવાની દાસ. સસી  કળા  સોળ.....જ્ઞાન