ભજન - પુછો પુરા પંડિતો ને,

પુછો પુરા પંડિતો ને, પુછો શેખ સંન્યાસી ને
આ નિજ ના ગુરુ કોણ છે.........ટેક

જમીન કેરી જાત કોણ, આસમાન કેરા ઘાટ કોણ
ગગન બારે મેધ ગરજે, ઇ રે દેવતા કોણ છે.......પુછો પુરા

ધાર માયલી ઢાલ કોણ , ઢાલ માયલી ધીરજ કોણ
ધીરજ મા તમે માળા ફેરવો, ઈ રે અજંપા કોણ છે........પુછો પુરા

કાંતનવાલી કા સુતર કોણ, વાંજણી કા પુતર કોણ
કાંતનવાલી તમે જુઠા ન બોલો, ઈ રે નુગરા કોણ છે...........પુછો પુરા

ભામીની કેરા ભેદ કોણ, શીવજી કેરા વેદ કોણ
અંગ મા અખંડ જયોતિ બીરાજે ઈ રે દેવતા કોણ છે........પુછો પુરા

ભણે રામો લખે નામો, સંતો તમે સાંભળો
બોલ્યા પીર રામદેવ, ખોજણહારા કોઈ સંત છે........પુછો પુરા