ગંગાસતી ની વાણી...કુપાત્ર ની આગળ

*ગંગાસતી ની વાણી...૪૬*

*કુપાત્ર ની આગળ* 

🥀🥀🥀🥀🥀🥀🥀

કુપાત્ર આગળ વસ્તુ ન વાવીએ ને,સમજીને રહીએ ચૂપ રે

મરને આવીને ધનનો ઢગલો કરે ને,ભલે હોય મોટો ભૂપ રે

કુપાત્ર...

ભાઈ રે !

ભજની પુરુષે બેપરવા રહેવું ને,રાખવી નહિ કોઈની પરવાહ રે

મોટાની આગળ નવ ઉચ્ચારવું ને,બાંધવો સુરતાનો એક તાર

કુપાત્ર...

ભાઈ રે !

ઉપદેશ દેવો તો પરથમ ભક્તિ દેખાડવી ને,ગાળી દેવો તેનો મોહ રે

દયા કરવી તેની ઉપરને,રાખવો ઘણો કરીને સોહ રે

કુપાત્ર...

ભાઈ રે !

સંશય ટળે ને મનડું ગળે ને,રાખે નહિ કોઈ પર દ્વેષ રે

ગંગાસતી એમ બોલિયાં રે,એવાને દેખાડવો હરીનો દેશ રે

કુપાત્ર...

🙏🏻🙏🏻🙏🏻🙏🏻🙏🏻🙏🏻🙏🏻