ભજન - અમારા રે અવગુણ રે

અમારા રે અવગુણ રે ગુરૂજીના ગુણ ઘણા રે
ગુરૂજી ! અમારા અવગુણ સામું મત જોય...અમારા

ગુરૂજી મારો દીવો રે‚ ગુરુજી મારો દેવતા રે
ગુરૂજી ! મારા પારસમણીને રે તોલ...અમારા

ગુરૂજી મારા ગંગા રે‚ ગુરુજી મારા ગોમતી રે
ગુરૂજી અમારા કાશી અને છે કેદાર...અમારા

ગુરૂ મારા ત્રાપા રે‚ ગુરુજી મારા તુંબડાં રે
ઈ તુંબડીએ અમે ઊતરિયે ભવપાર...અમારા

જાળીડાં મેલાવો રે ગુરુ ગમ જ્ઞાનનાં રે
ઈ જાળીડાં જરણાં માંહેલો છે જાપ...અમારા

ગુરૂના પ્રતાપે રે જેઠીરામ બોલીયા રે
દેજે અમને સંતચરણમાં વાસ...અમારા